SINOPSE

​

Parecer sen imitar, figurar sen esquecer.

Escenario carnavalesco de vida, peso do parecer e implacable xuízo de aspectos.

Que muller eras ti?

Que muller es ti?

A aparencia como posibilidade de futuro.

​​

IDEA ORIXINAL

​

En agosto de 2020, no centro de Allariz (Galicia), descubrimos unha fascinante fotografía de 1925 capturada por Manuel Riesco. A imaxe, en branco e negro e pertencente ao Arquivo Municipal de Allariz, retrata a doce mulleres cunha actitude desafiante e peiteados ao estilo belle époque. Preguntámonos quen eran, que lles aconteceu e que historias ocultaban.

​

Esta fotografía mergullounos na busca de memorias esquecidas, un percorrido que inspirou TABÚ. Esta peza de danza contemporánea dá vida a cinco personaxes femininas dos anos 20 nun ambiente carnavalesco do rural galego. A través do movemento, cada muller revela o seu tabú nunha proposta dinámica e accesible para todo tipo de público.

​

TABÚ formula unha pregunta esencial: É a aparencia unha posibilidade de futuro?